Kryeministri në detyrë i Kosovës, Ramush Haradinaj ka shpallur Ditën e Flamurit, datën 28 Nëntor si ditë pushimi edhe në Kosovë.
Këtë lajm ai e ka bërë të ditur vetë në rrjete sociale, duke publikuar gjithashtu edhe vendimin e firmosur prej tij.
“Me rastin e Ditës së Flamurit, mbështetur në Ligjin për Festat Zyrtare, kam marrë vendim që 28 Nëntori, të shpallet ditë pushimi në territorin e Republikës së Kosovës, për t’i respektuar vlerat e traditës kombëtare shqiptare. Vendimi, që 28 Nëntori të jetë ditë pushimi, është i motivuar nga aspekti historik, tradicional dhe politik.RH,”-përfundon Haradinaj./Opinion.al/
