Pak muaj pasi dha dorëheqjen nga posti i kryeministrit, Ramush Haradinaj është dorëhequr edhe nga drejtimi i Aleancës për Ardhmërinë e Kosovës. Haradinaj tha se deri në zgjedhjet e reja të AAK-së ai do të kryejë vetëm funksionet në dorëheqje.
“Jam i dorëhequr. Do të thotë prej kuvendit të fundit të punës që e mbajtëm jam i dorëhequr. Kryej vetëm funksionet në dorëheqje që i kemi deri në zgjedhje”, tha Haradinaj.
Në një intervistë për Ekonomia Online, Haradinaj u shpreh se kanë vendosur kritere të reja të organizimit të partisë, duke përfshirë edhe organizimin në pesë degë të veçanta në Prishtinë. Haradinaj shtoi gjithshtu se në këto zgjedhje sfiduese do të aplikohet parimi, një delegat një votë.
“Ne e kemi hapur votën në total, në këtë rast nëse kandidoj Ramush Haradinaj nuk e ka një kundërkandidat, por i ka 100 kundërkandidatë. Secili prej tyre nëse ja qet votën vetes edhe unë vetes i bie që të gjithë kemi votë të barabartë duhet të hymë në raund të dytë në raund të tretë e ku di unë. Ne kemi bërë një lëvizje të guximshme e kemi e kemi hapur garën në total në parti, 1 delegat 1 votë, edhe unë jam në garë me mbi 100 kolegë të mitë në të njëjtën kohë për kandidat për kryetar. 100 anëtarë të Këshillit Drejtues përfshirë edhe mua e marrin votën për kryetar cilido që e merr një votë më shumë bëhet kryetar i partisë, ose i degës. Është një garë më sfiduesja e mundshmja, është e ngjashme si për asamble por edhe bartësi i listës është në votë”, thotë Haradinaj për EO./Opinion.al
