Ditën e djeshme, Spanja fitoi me rezultatin 6-1 kundër Argjentinës në miqësoren e zhvilluar në stadiumin Wanda Metropolitano në Spanjë.
Menjëherë pas fitores, kapiteni i Spanjës është shprehur mjaft i kënaqur dhe është shprehur se Argjentina pa Lionel Messin është shumë e dobët.
“Gjithmonë është mirë të fitosh kundër një ekipi kombëtar me kaq shumë lojtarë që kanë cilësi të mëdha. Jemi në rrugë ideale drejt Kupës së Botës” ka thënë Sergio Ramos.
Ndërkohë ai ka vlerësuar Lionel Messin edhe si një lojtar kyç në kombëtaren e Argjentinës.
“Leo është lojtar i mahnitshëm, i veçantë dhe Argjentina është ekip më i dobët pa të. Me Messin, Argjentina është më e fuqishme” ka shtuar më tej spanjolli.
