Sot kryeministri Edi Rama ishte në takim me banorët në Shirokë ku tha se e kanë gati projektin e ujësjellësit për Shirokën dhe Zogajn, por i pengon Bashkia që nuk i jep lejen.
Rama ka prezantuar dhe projektet që ka realizuar qeveria, teksa u kurkoi që qytetarët të mo iu bësojnë Berishës dhe Metës.
“E kemi bërë projektin për ujësjellës, e kemi lidhur kontratën për të nisur punën. Bashkia Shkodër nuk na jep lejen. Nuk jep lejen të të vijë uji dhe me sa më rezulton jo vetëm që shkon në çezmat e të gjithëve, nuk më rezulton që kur duan ujë, e duan blu, por e duan të pastër. Kurse ata duan që demokratë e socialistë të kenë etjen blu. Kjo është mesjeta e thellë në mendjen e atyre që drejton sot bashkinë. Kurdo që kemi pasur mundësi të bëjmë punë për Shkodrën, e kemi bërë. Nuk e di si funksionon në mendjen e ndonjë të djathti por s’më ha mendja të jetë llogaria e saktë që do njeri të shkojë në Velipojë duke u futur nëpër gropa. Dhe e bëmë rrugën Shkodër-Velipojë. Edhe atë të Thethit ne e bëmë. Në Belsh ka më shumë turistë se në Shkodër, është turp. në Belsh punon bashkia kurse këtu nuk pastrohen as rrugët, as koshat e plehrave”, tha Rama.
Por, teksa mbante, Rama u ndërpre nga një banor që ishte veshur me kanatiere blu dhe bërtiste “Poshtë zorra qorre” duke iu referuar Berishës dhe Metës. Duke qenë se kishte ngjyrat e demokratëve, Rama mendoi se ishte krah opozitës.
“Qeka në rregull, se e pashë me kanatiere blu e thashë se thotë rroftë zorra qorre. Edhe mund ta thonë se cfarë nuk ndodh” , tha Rama.
