Teksa njoftoi në një konferencë për mediat se i ka dërguar Presidentit të Francës, Emanuel Macron dhe kancelarit gjerman Scholz, një draft për Asocacionin e komunave me shumicë serbe, i punuar nga ekspertë amerikanë, Rama tha se këtë dokument nuk e ka konsultuar me kryeministrin e Kosovës, Albin Kurti.
Kreu i qeverisë theksoi se nuk është fati i Albin Kurtit sot në lojë, por i Republikës së Kosovës si e tërë.
Më tej, Rama tha se synimi i Shqipërisë është të kthejë një mundësi për dialog ndërsa shtoi se “Për Kosovën është jetike të dalë nga ky qorrsokak”.
Edi Rama: Nuk e kam konsultuar dokumentin me Albin Kurtin. Nuk është fati i Albin Kurtit sot në lojë, por i Republikës së Kosovës si e tërë. Dua vetëm suksesin e qeverisë së Kurtit dhe Kosovës, por nuk mund të rrimë më duke parë, kur ajo që shoh duhet ndarë me të gjithë sepse është një kërcënim i madh që nuk i vjen Kosovës nga Serbia por reduktimi i marrëdhënieve me aleatët ku e humbura e madhe është Kosovë.
Cila është roli i Shqipërisë në këtë draft rezolutë?
Edi Rama: Ajo që kam bërë është që ta kthej në një mundësi për dialog, aty më pas e dinë vetë ata që janë pjesë e dialogut çfarë marrin.
Për Kosovën është jetike të dalë nga ky qorrsokak.
