Gjatë takimit elektoral të zhvilluar këtë të martë në njësinë numër 5 në Tiranë kryeministri Edi Rama ka sulmuar LSI dhe kryetaren e Lëvizjes Socialiste për Integrim, Monika Kryemadhi.
Gjatë fjalës së tij, Rama tha se të votosh për LSI do të thotë t’i japësh një votë analfabetizmit funksional. Më tej ai sulmoi kryetaren e Lëvizjes Socialiste për Integrim, Monika Kryemadhi dhe mënyrën e saj të të folurit të cilën me ironi e cilësoi Profesor Doktor Monika Kryemadhi.
“Si mund të gjuash te 6-ta. Të gjuash te 6 do të thotë t’i japësh një votë analfabetizmit funksional. Për ta bërë gjuhën shqipe si një nga funksionet tek ai i-padi i kalamajve. E keni parë Monikën si e kafshon gjuhën shqipe, sa e hap gojën. Jo gjuhën e vetë, se gjuhën e vetë e ka jashtë gjithë kohës por gjuhën shqipe, e keni parë se çfarë i bën gjuhës shqipe. E keni parë çfarë heq kryefjala kur flet Monika. Profesor Doktor Monika Kryemadhi. Edhe sa herë ha presje i fut një të shame në mes. Por kur thotë ne jemi rinia. Rinia është LSI. Nuk e di zoti i mbrojtë”, tha Rama./Opinion.al
