Kryeministri Edi Rama lancon një komunikim të ri me qytetarët, atë të videomesazheve përmes facebook që e ka quajtur “Komunikimi i javës”. Sot ka vendosur tu tregojë ndjekësve të tij eksperiencën në studion e Klan Kosova, ku siç thotë ishte një dështim për analistët dhe një fitore për të. Rama ka sulmuar analistët në Shqipëri, duke thënë se “disa prej tyre kanë humbur misionin dhe janë kthyer si një parti politike. Por një parti që nuk votohet, dhe nuk dinë çfarë kërkojnë njerëzit prej saj”. Ai gjithashtu tha se disa analistë paguhen për të shantazhuar…
“Të enjten isha tek Klan Kosova me 6 gazetarë të Kosovës. Debati u transmetua në profilin tim në facebook dhe pati një ndjekje të pazakontë për nga numri, më shumë se fitorja e zgjedhjeve apo vizita e Papa Franceskut në Shqipëri”, shprehet Rama në videomesazhin e tij.
Me tej shprehet: “Ishte një kryengritje ndaj 6 analistëve të cilët nuk bënë asgjë më pak apo më shumë se koleget e tyre në Tiranë, madje ishin të sjellshëm…
Numri i madh i ndjekësve më bëri të mendoj se shqiptarvë ju ka ardhur në majë të hundës nga moria e analistëve që flasin me mllefe, padije e thashetheme. Shqipëria politike e mediatke ka infektuar Kosovën me gjuhën e akuzave; si kriminel, hajdut, etj. me lincimin e përfaqësuesve politike me çdo mjet”.
Ata që vetëquhen analistë sillen si politikanë dhe hakmerren për dështimet e tyre, vënë maskën e analistit, portalistit… lene bosh vendin e tyre. Populli ka mbetur pa ndermjetesuesit e debatit politik. Sepse analistet e portalistet janë kthyer në një parti, por që nuk jep llogari se çfarë mendon populli shqiptar për ta. Kanë braktisur detyrën e informimit publik.
Duhet thene se financohen me gjoba të paligjshme apo shërbime të padeklaruara ndaj te treteve qe interesohen per te licensuar politikane apo biznesmene.
Nuk janë të gjithë njësoj, ka edhe nga ata që i shërbejnë punës së tyre dhe nuk tradhtojnë profesionin. Kohës së njëhsimit të shpifjes me të vertetën po i vjen fundi…”
