Kryeministri Edi Rama ka zbardhur temat e diskutimit në takimin me zëvendës Ndihmës Sekretarin e Shtetit dhe të Dërguarin e Posaçëm për Ballkanin Perëndimor, Gabriel Escobar.
Nëpërmjet një postimi në rrjetet sociale, kreu i qeverisë shprehet se në takimin e zhvilluar në ambientet e Kryeministrisë me zyrtarin amerikanë është folur për partneritetin mes Shqipërisë e SHBA, rolin e Shqipërisë në rajon, dialogun mes Kosovës e Serbisë dhe Ballkanin e Hapur.
Postimi i Ramës
Kryeministria – Kënaqësi të mikprisja Zëvendës Ndihmës Sekretarin e Shtetit dhe të Dërguarin e Posaçëm për Ballkanin Perëndimor, Gabriel Escobar, në një takim shumë miqësor, ku folëm për partneritetin e shkëlqyer mes Shqipërisë e SHBA, rolin e rëndësishëm të Shqipërisë në rajon, dialogun e domosdoshëm mes Kosovës e Serbisë dhe Ballkanin e Hapur, si një nisëm transformuese për ardhmërinë e rajonit, të cilën administrata e Presidentit Joe Biden e mbështet fuqimisht./Opinion.al
