Në konferencën për mediat të mbajtur sot me Kryeministrin e Maqedonisë së Veriut, Dimitar Kovaçevski dhe Presidentin e Serbisë, Aleksandar Vuçiç, Kryeministri Edi Rama u pyet nga gazetarët se përse mes tyre ishte edhe presidenti serb ndërkohë që vendimi ishte për Shqipërinë dhe Maqedoninë e Veriut.
Vuçiç tha se jemi së bashku teksa theksoi se “doja të dëshmoja angazhimin, dedikimin dhe mbështetjen tonë për RMV e Shqipërinë”.
Rama: Pse je këtu? Ti je në rregull.
Vuçiç: Jo, jemi së bashku. Dhe sot nëse mund të them kështu, dhe besoj se kolegët e mi do bien dakord për këtë, ishte përvojë më pak e këndshme për mua se sa për ta. Megjithatë doja të dëshmoja angazhimin, dedikimin dhe mbështetjen tonë për RMV e Shqipërinë, dhe ata donin të ndanin të njëjtat fjalë me mua. Mund të them që ishin të dobishëm edhe për Serbinë këto diskutime. Nuk është detyrim formal i Serbisë për të qenë mbështetëse për ca çështje për Shqipërinë e RMV, nuk e kemi të shkruar në Kushtetutë, por kjo është bërë diçka natyrale diçka për të cilën ne jemi krenarë. Do shohim se kush do të jetë i pari që do të mbështesë vendet tuaja. Presim së pari e mbi të gjitha ndihmë e asistencë nga vendet fqinjë.
Rama: Jemi të tre sepse kështu do të jetë mënyra e duhur. Ata flasin për Ballkanin Perëdimor gjithë kohën. Ndonjëherë nuk e kuptojmë se çfarë është? Shpresojmë fort që të jemi të gjithë ne…
