Kryeministri i Shqipërisë, Edi Rama, i cili po merr pjesë në forumin “Stabiliteti i Europës Juglindore” ka zhvilluar një debat publik me Kryeministrin serb, Aleksander Vuçiç. Rama -Vuçiç kishin një debat që u karakterizua nga batutat, dashuria e zjarrtë për Angela Merkel dhe pikëpamjet e kundërta për Kosovën, por kësaj radhe më të zbutura nga ana e Vuçiç. Ndër të tjera, Vuçiç tha se këtu në Serbi më cilësojnë si mik i shqiptarëve….Ndërsa Rama, hapi çështjen e minierës së Trepçës, Vuçiç i tha mos bëj politike se e njoh çështjet më mirë se ti.
Rama-Vuçiç debati për Trepçen
Rama: Ne jetojmë në një botë kur gjërat janë të ndërlidhura dhe nuk e kemi shansin të mos flasim me njëri-tjetrin. Kosova është aty ku ne nuk biem dakort fare. Pikëpamja ime është se sa më shpejt Serbia të njohë Kosovën do jetë më mirë për të gjithë.
Mediat flisnin pë Trepcën, ajo është minierë në tokën e Kosovës. Çfarë bëni me Trepcën, e transportoni në Beograd dhe nga ana tjetër, në Kosovë duhet të kuptojnë se Trepca është në minierë në tokën e Kosovës dhe i përket Kosovës. Trepça bëhet fjalë për ekonomine. Pyetja është; A duhet ekonomia të vendosë nëse kjo minierë funksionon apo jo apo duhet të vendosë politika?
Vucic: Kur vura re prezencën e medias kosovare e dija që Edi do bënte politikë. Ai është është politikan më i mirë se unë. Nuk e përdora mundësinë për të thënë diçka të keqe për homologët e Kosovës. Do jap dy shembuj, foli për Trepcën, guxoj të them se di më shumë për Trepcën, nëse ai thotë se është çështje ekonomie, Prishtina bëri lëvizjen më të keqe sa i përket ekonomisë e zhvillimit të Trepcës. Kur thoni se bëhet për të mirën e shqiptarëve e serbëve, a mund të gjesh një serb që do binte dakort me këtë? A u përpoqën ata që të gjejnë një serb që bie dakort? Jo, nuk folën fare me serbët që jetojnë e punojnë atje. Nuk u kujdesën, por u kujdesen për arsyet e tyre politike të brendshme. Nuk e di pse e bënë këtë. Kur analizojmë gjithçka nga pikëpamja racionale këtë nuk e kuptoj.
Rama: Nuk mora anë kur fola, por Trepcën, por po ju them se askush nga një botë normale nuk do të kuptonte se cfarë po ndodh me minierën e Kosovës dhe nuk ka mundësi për ta importuar këtu. Qytetarët e Kosovës janë aty, është ekonomi, s’po them se kush bëri cfarë, por ka disa gjëra që dalin nga e kaluara dhe i gjejmë si pengesë për të ardhmen.
Vucic: Edi, po del diçka nga e kaluara, ne duhet të zgjidhim këtë cështje të panevojshme, ndaj jua thashe edhe miqve tuaj se nuk e kuptova dhe nuk do flas më për këtë. Nuk e kuptoj cështjen e Trepces, kemi qëndrime të ndryshme, ju mendoni se është i pavarur e sovran, por duhet të flasim. Kjo lëvizje e Trepces ishte dicka që doli nga hiçi dhe nuk e kuptoj se cila ishte arsyeja. Jam i gatshëm ta diskutoj atë. Jam i zhgënjyer jo se është temë kryesore por jam i zhgënjyer se mund të bëni ç’të doni.
Rama: E pashë në gjithë mediat serbe mbrëmë, ka rëndësi kur të jemi të qartë, ne mendojmë të kundërtën për Kosovën sa i përket statusit, por ka një dialog, s’duhet të harrojmë se bëhert fjalë për ndjenjat e popullit.
Vucic: Njerëzit nuk u pyetën në veri për këtë çështje.
