I ftuar në emisionin Top-Story në Top Channel, pyetjes së gazetarit Balla mbi incidentin ku u godit me vezë, Rama iu përgjigj: “Besoj që është një kakarisje normale për një vend të lirë dhe nuk ka asnjë problem.
Sigurisht që nëse do të më duhet të bëjë një interpretim, do bëjë interpretimin që deri dje për shkak të një kufizimi të madh, as e imagjinonte njeri që mund të bënte një akt të tillë; sot mund ta bëjë.
Është një hap i madh përpara”. Lidhur me dhunën e ushtruar ndaj studentëve, Rama tha se ata bënë detyrën: “Nga deklarata pashë që sipas tyre, në polici nuk u ushtrua dhunë, por u ushtrua jashtë.
Nuk ndodh asgjëkundi që njerëzit e sigurisë të mos bëjnë detyrën, është bërë një verifikim normal dhe rezistenca dhe për më tepër pastaj unë kam dëgjuar aty fjalët më vulgare. Edhe në video njerëzit dëgjuan fjalë vulgare.
Nuk imagjinoj dot që të konsiderohen studentë të denjë ata që përdorin fjalët më vulgare ndaj kujtdo qoftë. Por ama dhunë nuk ka patur”.
