Ndryshe nga çdo e diel, ku kryeministrin Edi Rama e ndiqnim në rubrikën e përjavshme në profilin e tij në “Facebook”, sot kjo gjë nuk do të ndodhë.
Vetë kreu i Qeverisë ka komunikuar përmes rrjetit social, se sot nuk do të ketë “Komunikim Javor”. Duke qenë se sot besimtarët e krishterë festojnë Pashkët, kryeministri Rama ka zgjedhur ti uroj besimatret nëpërmjet një statusi dhe ka njoftuar se “ do ta bëjë pushim” për politikën.
“Sot janë Pashkët, është një ditë e shënuar për të krishterët dhe e mira e madhe e këtij vendi, është se festat e njëri – tjetrit, janë festa të të gjithëve. Duke ju uruar të gjithëve qetësi e gëzim në familjet e tyre në këtë të dielë të veçantë, ju bëjmë me dije se në respekt të simbolit të kësaj feste, sot nuk do të ketë Komunikim Javor të Kryeministrit”, shkruan Rama. /opinion.al
