Gjatë një interviste për Financial Times, kryeministri Edi Rama u ka bërë thirrje liderëve të Ballkanit Perëndimor të refuzojnë çdo thirrje që nuk ka të bëjë me anëtarësimin në Bashkimin Europian.
Rama shprehet se Shqipëria nuk do të heqë dorë kurrë nga Europa dhe Bashkimi Europian.
Por ndërsa Rusia, Kina dhe Turqia tentojnë të ndikojnë në rajon, Rama i konsideron të papërshtatshëm.
“Të tjerët mund të sjellin para, investime, ndoshta edhe havjar, por ata nuk do të jenë në gjendje t’ju sjellin atë që ju nevojitet për të ndërtuar një vend të lirë pune,” tha ai.
Rama tha se ai ishte i shqetësuar për rritjen e nacionalizmit në Bosnje, por se nacionalizmi në BE tani është një pengesë më e madhe për ata në ambiciet e rajonit për t’u bashkuar me bllokun 27-anëtarësh.
BE-ja ende nuk është “shëruar” nga kriza e refugjatëve në vitin 2015, tha ai, kur më shumë se 1 milion njerëz aplikuan për azil në Evropë, kryesisht duke ikur nga lufta siriane. Që atëherë, BE-ja është “shtyrë nga frika, jo nga aspirata”, dhe qeveritë që janë “jo radikale në vetvete” janë “të ndikuar nga ekstremizmi”.
