Ish-kryeministri Sali Berisha, nga Kuvendi i Shqipërisë ka hedhur akuza ndaj Qeverisë. Berisha e ka quajtur të turpshme faktin se parlamenti nuk miraton një rezolutë për situatën në Ukrainë.
“Dënoj me ashpërsinë më të madhe qëndrimin e këtij parlamenti të turpshëm, vend anëtar i NATO-s që nuk merr përsipër të votojë një rezolutë të votojë agresorin, për të dënuar Rusinë e cila është nismëtare e luftës së Parë Botërore, ju bashkëngjit Hitlerit me paktin për pushtimin e Polonisë dhe e vetme nis pushtimin e një vendi të pavarur sovran. Dënoj me ashpërsi qëndrimin e këtij parlamenti. Ky parlament mban të njëjtin qëndrim si parlamenti i Rusisë së vogël apo Serbisë. Kjo është e turpshme, e paimagjinueshme. Si mund të justifikojë ky parlament këtë. Çfarë ndodh këtu, kjo është dëshmi e vasalitetit të plotë ndaj Beogradit. Si ka mundësi atje po bien bomba mbi njerëz të lirë, kurse ne nuk miratojmë një rezolutë të përbashkët për dënimin e këtij agresioni të pashembullt. Kjo është histori turpi historik kapitullimi. Ka një përgjegjës, Rama vasal i Vuçiçit. Vdekje pushtuesve rusë”,-u shpreh Berisha.
