Kryeministri Edi Rama është shprehur se përgjimet e publikuara nuk janë prova, por kryetari i Bashkisë së Durrësit, Vangjush Dako duhet të mbajë përgjegjësi deri në fund për të vërtetën.
“Jemi në kushtet kur kandidati i Bashkisë së Durrësit nuk është më kandidat por një njeri I lirë dhe duhet të përgjigjet me të vërtetën. Dhe nga ato se ca kam mundur të shikoj nga përgjimet vërej se kam një neveri me ato se ca thuhet. E rëndësishme është të kuptohet sa këto muhabete ne telefon janë të materializuara në fakte apo janë muhabete mes njerëzish që mendojnë se mund të zgjidhin hallet e globit.Unë kam qenë dhe jam gjithmonë i të njëjtës linjë. Nuk jam as Sali as..këtu ka një vijë të kuqe dhe unë kësaj gjëje I kam mëshuar. Secili duhet ti dal për zot drejtësisë“, tha Rama.
Sa i takon moskandidimit te Dakos, kreu i qeverisë sqaroi se kryebashkiaku i Durrësit kërkoi vetë te mos garonte më, pasi ishte lodhur nga akuzat. Sipas Rames, kreu i bashkisë së Durrësit këmbëngul se gjithçka është një inskenim.
“E para e punës unë e kam thënë dhe më parë që kjo ka qenë një vendimmarrje e marrë edhe me Vangjushin të cilit i erdhi shpirti në maj të hundës nga këto akuza. Kemi diskutuar dhe kjo gjë sipas tij është inskenim dhe nuk ka lidhje fare me shit-blerje votash”.
Rama tha se grupi i Avdylajve nuk ka marrë kurrë asnjë tender e nuk ka pasur asnjëherë përfitim nga bashkia e Durrësit. Sipas tij nuk ka të dhëna nëse kjo gjë ka ndodhur apo jo në bashkinë e Shijakut. / Opinion.al E.Xh.
