Kryeministri Edi Rama ka uruar të hënën në mëngjes të gjithë besimtarët katolikë e ortodoksë për festën e Krishtlindjes, ditën e lindjes së Jezu Krishtit.
Në mesazhin e ditës së sotme, tashmë pjesë e traditës, kreu i qeverisë ka postuar në faqen personale në Facebook, disa pamje nga qytete të ndryshme të vendit; të ndriçuara nga ngjyrat e festës.
Pas darkës familjare, besimtarët katolikë me qirinj në duar i janë drejtuar kishave, ku kanë pritur mes lutjesh mbërritjen e mesnatës që shënon 25-dhjetorin e shenjtë për ta, lindjen e Birit të Zotit. Besimtarët shkëmbyen urime për më shumë paqe, lumturi dhe harmoni.
Ky mesazh i kryeministrit nuk është pritur mirë nga shumë ndjekës të tij, të cilit i kanë kujtuar vdekjen tragjike të 23-vjeçarit shqiptar, Florenc Beqirajt në Francë.
“Hajde o kryeministër lëngu hajde”. Familja e të ndjerit Florenc të uron gëzuar Krishtlindjet ty dhe gjithë pushtetarëve, të cilëve falë jush, ua bëtë këto Krishtlindje të paharrueshme. Shumë gjëra do të harrohen, por vdekja e Florencit kurrë dhe sigurisht mospërfillja juaj. Zoti vonon por s’harron”,-shkruan një komentues.
