Gjatë takimit me elektoratin në Reç të Malësisë së Madhe kryeministri Rama nuk ka harruar të uroj për ditën e lindjes kreun e opozitës Lulzim Basha.
Ai i ka uruar ditëlindjen duke i uruar gjumin më të ëmbël të mundshëm: “I paç 100 vitet ardhshme në gjumin më të ëmbël që dëshiron. Sinqerisht të uroj shëndet për fëmijët dhe familjen, gëzuar”.
Rama më pas sulmoi dhe programin e tij për 4 vitet e ardhshme duke thënë se “askush nuk e ha gënjeshtrën e Lulit se do të ushqejë fëmijët e kopshteve dhe nxënësit e shkollave”. “Basha do jua ushqejë fëmijët nga kopshti deri në universitet, pas universitetit do vijnë në shtëpi e do thonë a ka gjë për të ngrënë. Po ka njeri që e ha këtë?” tha Rama.
