Mëngjesin e kësaj të shtune, kryeministri Edi Rama e ka nisur duke iu uruar socialistëve 30-vjetorin e themelimit të Partisë Socialiste.
Në një postim në rrjetet sociale, Rama zotohet se do të vijojë përpjekjet për të bërë një PS më të mirë për të gjithë Shqiptarët.
“Mirëmëngjes me urimin gëzuar ditëlindjen e Partisë Socialiste për të gjithë ata që kanë dhënë e i japin PS diçka sado të vogël, si edhe me zotimin se do të vazhdojmë përpjekjen që PS të bëhet më e mirë për të gjithë të tjerët, ju uroj një fundjavë të qetë,”-shkruan kryeministri.
Pasditen e sotme, në orën 17:30 PS do të mbajë Kongresin e jashtëzakonshëm,ku do të diskutohet për vizionin e socialistëve Shqipëria 2030 si dhe për zgjedhjet e strukturave të reja brenda PS./Opinion.al
