Kryeministri Edi Rama ka vijuar me dëgjesa e problemeve më banorët e Shkodrës. Ku nje qytetarë i është ankuar Ramës duke i thënë se ALUIZNI i ka dhënë lejen, por i ka tjetërsuar objektin. Pasi dëgjoi shqetësimin, Rama kërkoi të fliste edhe drejtori i ALUIZNIt, i cili fatmirësisht ligjërisht ishte brenda hapësirave të tij ligjore, por Rama i kërkoi që ta zgjidhë çështjen deri nesër në orën 4 dhë më pas ti dërgoi atij një mesazh.
Qytetari: Mua ALUIZNI më ka tjetërsuar pronën.
Rama: Është këtu drejtori? Hajde këtu ti.
Drejtori: E njoh rastin. Ndërtimi i Maxhitit është nisur fillimisht me leje ndërtimi dhe më pas është shkelur leja dhe ka bërë një kat tjetër. Problemi që nuk kemi mundur ti zgjidhim është që leja është marrë e certifikuar në ZRPP dhe në këtë moment nuk është më kompetencë e jona që ta anullojmë. Edhe nga Drejtoria e Përgjithshme është nisur një grup auditi dhe ka dalë në përfundimin që është objekt social dhe ekonomik. Ne nuk mund të ndërhyjmë dhe kjo zgjidhet me rrugë gjyqësore.
Qytetari: Ti përgjigje ke kthyer, por ti e di që me rrugë gjyqësore unë që nuk e zgjidh kurrë.
Rama: Drejtori ka të drejtë. Ti ulu me drejtorin e hipotekës dhe bëni një rishikim të letrave dhe mos e torturoni njeriun. Je kundër kësaj që po them unë?
Qytetari: Kam ngrenë kolpo.
Rama: Po edhe kolpo edhe në diell. Do t’ia zgjidhni këtë punë nesër. Nesër në 4 më ço mesazh që u zgjidh problemi.
Drejtori: Dakord.
Qytetari tjetër: Kam dhënë numrin dhe nuk vijnë të shohin shtëpinë për të bërë legalizimin.
Rama: Thuaj drejtorit edhe njëherë.
Drejtori: Është një nga 25 mijë aplikuesit. Në fillim të 2014 janë bërë 1 mijë legalizime. Deri më sot janë bërë 7 mijë. Ne do përpiqemi meqë po e qan hallin dhe unë do e vë në lëvizje menjëherë.
Kujtojmë që disa ditë më parë kryeministri Rama ka shkarkuar Dejtorin e ALUIZNIT në Berat, shkak u bë një nga ankesat e qytetarëve për moslegalizmin e shtëpive. Një dit mkë vonë Rama dha dhe urdhër për shkarkimin e tij nëpërmjet një statusi në FB. /OPINION.AL
