Kryeministri Edi Rama në ditën e fundit të fushatës zgjedhore iu ka bërë thirrje tropojanëve që të zgjedhin kulturën e jo dasinë, duke votuar Partinë Socialiste.
Në një postim në Facebook, Rama bën thirrje gjithashtu që tropojanët të votojnë “Petritin e tyre dhe të Shqipërisë”, dhe jo ata, që sipas tij, në 30 vjet vetëm sherrin u kanë parë.
“Tropoja ka një mundësi të artë të zgjedhë kulturën, jo dasinë, ndershmërinë, jo dyfytyrësinë, punën, jo dhunën! O miq tropojanë që s’jeni tropojsa! Votoni Petritin tuaj e të gjithë Shqipërisë, jo ata që i votuat 30 vjet dhe 30 vjet veç sherrin u keni parë”, shkruan Rama.
Kryeministri Edi Rama ka publikuar një video të qendrës së Tropojës, në të cilën bën krahasimin e qytetit përpara vitit 2013 dhe investimet që janë bërë aktualisht nga qeveria e drejtuar prej tij./Opinion.al
