Në kuadër të masave kundër përhapjes së koronavirusit, universitetet ndërprenë vitin akademik deri në përmirësimin e situatës.
Lidhur me këtë çështje ka reaguar sot kryeministri Edi Rama. Gjatë një bashkëbisedimi me qytetarët përmes rrjeteve sociale, Rama u shpreh se ditën e nesërme do të bëhen publike vendimet se çdo të bëhet me universitetet.
“Sot kam pasur një mbledhje të fundit me Ministren e Shëndetësisë dhe ata të Arsimit se çdo të vendoset në lidhje me Universitetet. Nesër do bëhet njoftim se çdo të bëhet me universitetet,”-tha Rama.
Kujtojmë që, një ditë më parë Ministria e Arsimit vendosi hapjen e shkollave për një periudhë tre javore vetëm për maturantët, mbajtjen e provimeve të maturës shtetërore në qershor dhe mbylljen e këtij viti shkollor po në qershor. Nxënësit nga klasa e parë në të 11 do të zhvillojnë mësim online deri në fund të majit./ Opinion.al
