Gjatë mbasdites së sotme kryeministri Rama ka zhvilluar një miting në qytetin e Lezhës. Ai gjatë fjalës së tij, ka komentuar edhe deklaratën që Meta bëri gjatë paradites në këtë qytet, ku i kërkoi qytetarëve të armatosen. Rama edhe pse nuk ka përmendur emra, ka lënë të kuptohet se fjala ishte për metën.
““Më vjen shumë keq, shumë zor. Ndihem shumë i sëkëlldisur kur shikoj gjëra që nuk do donim ti shihnim, kur dëgjoj gjëra që shqiptarët nuk do donin ti dëgjonin më çjerrje, ulërima dhe kërcënime.
Por Shqipëria që duam nuk është Shqipëria e ulërimave, kërcënimeve dhe e partive të tepsisë së pushtetit.
Duam shtet për çdo shqiptar, për çdo prind e për çdo familje pavarësisht bindjeve politike. Shqiptarët janë të lirë të kenë bindjet e tyre por shteti është i detyruar t’iu shërbejë të gjithëve”, tha Rama.
