Kryeministri Rama e ka nisur Komunikimin Javor në profilin e tij në fb duke uruar kampionin më të ri të Evropës në Atletikë, Izmir Smajlaj, për të vazhduar më tej me ato çfarë ka bërë qeveria Rama-Meta në këto 3 vite qeverisje. Duke e vënë theksin te reforma ne drejtesi dhe vetingu ndërsa ka thumbuar opoziten per ultimatumet dhe kërkesat e saj, ku tha se ata që duan të pengojne pastrimin e pallatit të drejtësisë, kthehen në pengmarrës edhe të vetë zgjedhësve.
“Na duhet një drejtësi e re, një drejtësi që e bën shtetin shtet dhe qytetarin njeri të lire themelet e një drejtësie të re janë vendosur dhe Kuvendi i ka miratuar ligjet themelore, koha është tani dhe politika shqiptare duhet ta mishërojë këtë aspirate mbarëkombëtare duke i hapur rrugë ndëshkimit të gjykatësve dhe prokurorëve.
Koha është tani dhe çdo viktimë e re e padrejtësisë në sallat e gjyqeve të këtij vendi është viktimë edhe e politikanëve që i bëhen mburojë të shkuarës dhe pengojnë të ardhmen.
Koha është tani dhe çdo vonesë në çlirimin e drejtësisë i kthen politikanët në pengmarrës të ekonomisë, integrimit në Evropë në pengmarrës të vetë zgjedhësve që votojnë parti të ndryshme por kanë te gjithë të drejtën të jenë të barabartë përpara ligjit.
Shumica parlamentare është gati tani për të bërë detyrën e saj kushtetuese dhe parlamentare për të mbështetur prokurorët dhe gjykatësit që do të dalin nga ky proces”, u shpreh Rama.
“Ndjesë por kësi ultimatumesh nuk kanë llogjikë…Opozita mund ta vazhdojë sa të dojë shfaqjen e saj, ne na mbetet vetëm ta ftojmë dhe riftojmë në rrugën e arsyes dhe të biem dakord me çdo propozim realist të saj”, tha më tej Rama.
