Në një dalje për mediat, Kryeministri i vendit ka ngritur si problem qëndrimin e qytetarëve në kafene dhe lokale, pavarësisht mbylljes së shkollave, universiteteve dhe kopshteve e çerdheve.
“Secili duhet të kontribuojë në një luftë, që sot është një luftë botërore, përballë një virusi të panjohur. Pra, dëshiroj t’ua përcjellë të gjithë mesazhin se thirrja për të kufizuar kontaktet fizike, nuk është një predikim në ajër, por buron nga këshilla numër një e OBSH-së. Vendosëm të mbyllim shkollat, kopshtet, universitetet, jo për t’iu dhënë vajzave dhe djemve tanë dy javë pushim për t’u mbledhur në disko, si në kohë të zakonshme, sepse kjo është një kohë lufte, të cilën bota duhet ta fitojmë, ne do ta fitojmë”, tha Rama.
Duke folur për këtë luftë botërore, me këtë armik të padukshëm që ka hyrë në territorin e vendit tonë, Rama iu drejtua edhe mediave, të cilat i ftoi të mos abuzojnë dhe të ndërgjegjësohen që kjo nuk është një ng ato betejat e radhës, por është një luftë.
“Është një luftë që e kemi ne në dorë me sjelljen tonë, me angazhimin tonë, me zbatimin e atyre këshillave të thjeshta në dukje, por në fakt thelbësore, që ta bëjmë një luftë me dëme më të vola, se sa dëmet ku ne sillemi në mënyrë të papërgjsgjshme dhe bëjmë sfida që janë pa lidhje me armikun që ne kemi përballë, tha Kryeministri./ Opinion.al
