Nga Forumi Strategjik i “Bledit” në Slloveni kryeministri i Shqipërisë, Edi Rama i kërkoi Bullgarisë që të heqë veton për Maqedoninë e Veriut, për t’i hapur rrugën Shkupit dhe Tiranës për çeljen e negociatave.
Rama tha se Shqipëria dhe Maqedonia e Veriut nuk po kërkojnë tani të bëhën anëtare më të drejta të plota në BE, por nisjen e bisedimeve.
“Ne nuk po flasim për t’u bërë anëtarë, kur ne të bëhemi, nuk e di, Macroni që është më i riu do të jetë duke shkruar kujtimet atëherë, ne po flasim për çeljen e bisedimeve. Do i kërkoj presidentit të Bullgarisë, ju lutem mos jeni kaq tipikë BE, bëhuni ballkanas, hapni rrugën, çfarë po përpiqeni të shpëtoni, hapini rrugën bisedimeve, na lini të flasim me ata dhe pastaj ju mund të bëheni më pas ballkanikë, të vendosni pengesa, por hapni rrugën” tha Rama./Opinion.al
