Kryeministri Rama tha se Bashkia Tiranës do të përdorë garancinë sovrane të qeverisë për të financuar ndërtimin e godinës së re të Teatrit Kombëtar.
Në një intervistë televizive, kreu i qeverisë tha se vendimi për prishjen e teatrit ishte i vonuar me dhjetëra vite dhe nuk mund të bëheshin hapa mbrapa. Sa i përket kostos së projektit, duke marrë parasysh edhe goditjen ekonomike që ka pësuar vendi, Rama tha se ata kanë përgaititur një plan për zhvillimin ekonomik ku vetëfinancimi i ndërtimit të godinës së teatrit do të bëhet duket përdorur garancinë sovrane nga ana e Bashkisë
“Procedurë e vonuar me dhjetëra vite. Kthimi i mënyrës së financimit të projektit, ishte koha për të bërë edhe këtë veprim. Këtu nuk bëhet fjalë nuk kishim para edhe na duhej ppp, këtu bëhet fjalë ppër një nisëm dhe për një vepër që si rodhën ngjarjet edhe mori për ters edhe me ndihmën e mediave që kaluan pa filtër shumë baltë, nuk kishte asnjë mundësi që ne të shkikoim mbrapa. Po shikojmë një plan tërësor zhvillimi ekonomik siç e kam paralajmëruar, dhe ristrukturimi të të gjithë instrumentave të vetëfinancimit për të përballuar edhe goditjen nga COVID, ne e shohim plotësisht të mundtur që Bashkia e Tiranës të marri përsipër këtë proces dhe të investohet për këtë vepër me garancinë sovrane të qeverisë”, tha Rama.
Qeveria aktualisht ka miratuar 2 garanci sovrane për bizneset e mëdha në mënyrë që ato të kenë mundësi të paguajnë pagat e punonjësve të tyre gjatë periudhës së COVID-19. Përfshirja e Bashkisë së Tiraës në këtë garanci ende nuk dihet nëse do të sjellë ndryshime të skemës së financimit apo miratimin e një garancie të re.
Duhet rikujtuar se aktualisht shteti paguan normën e interesit të garancisë sovrane një herë në tre muaj. Pra sipas modelit aktual të garancisë sovrane me taksat e qytetarëve të Shqipërisë do të paguhen interesat e projektit të Bashkisë së Tiranës, i cili duhet nënvizuar se nuk është ende gati me një faturë përfundimtare. /Opinion.al
