Kryeministri ka hequr një paralele, kur u pyet nëse ka qenë Xhafa persekutor dhe hetues në komunizëm. “Eshtë njësoj si të më thuash mua jam i droguar kur nuk e ke të provuar”, tha Kryeministri.
Deklarata u bë mbrëmë në studion e gazetares Eni Vasili në News 24. Kur gazetarja tha se ka akuza ndaj Xhafajt, Rama u përgjigj: “Është si të më pyesni mua a jeni i sigurt që nuk jeni i droguar? Duhet të më provoni që jam i droguar”.
Më tej vazhdoi argumentin: “Njerëzit nuk mund të akuzohen dhe më pas tu thuhet prokurorëve që akuza ime nuk është e vërtetë. Xhafa ka udhëhequr reformën në drejtësi dhe gëzon gjithë respektin e mbështetjen time dhe të atyre që gjykojnë nga veprat dhe nuk gjykojnë nga paga. Nuk ka pasur ndikim nga SHBA dhe nga askush për zgjedhjen e Xhafës”.
