Në një kohë kur vendi po del gradualisht nga izolimi, kryeministri Edi Rama, ka bërë apel për kujdes maksimal dhe respektim të masave anti-COVID, për të shmangur një valë të dytë të mundshme të infeksionit.
Duke ju referuar një artikulli që ka lexuar për gripin spanjoll, që e cilëson si më të fortë valën e dytë, Rama e cilëson këtë një sprovë.
“Është shumë problem kjo situatë e hapjes, sepse edhe mënyra si shkoi gjëja, njerëszit u relaksuan: hë mo se ska gjë etj, etj. Shumica e kupton që ishte rezultat i shtrëngimit të fortë, por megjithatë jeta, rutina, zakonet janë shumë të forta. Kështu qe ne duhet të përgatitemi shumë fort për eventualitetin e një vale tjetër. Po lexoja një artikull shumë interesant për gripin spanjoll dhe thoshte vala e dytë, ishte …Do Zoti të mos na sjellë përpara kësaj sprove, megjithatë duhe të jemi të përgatitur”, tha Rama sot teksa inspektonte një depo farmaceutike në QSUT./Opinion.al
