Talentet e sportit që kanë lindur dhe jetojnë jashtë Shqipërisë tashmë kanë të drejtë që të pajisen me pasaportën shqiptare edhe kur nuk kanë mbushur 18 vjeç. Lajmin e ka bërë të ditur kryeministri Edi Rama, përmes një postimi në rrjetin social “Facebook”. Rama shkruan se kjo e drejtë për të talentuarit në fushën e sportit ka ardhur pas ndryshimeve të miratuara në ligjin “Për shtetësinë” nga Kuvendi i Shqipërisë.
Tanimë me ndryshimet e miratuara në ligjin “Për shtetësinë” nga Kuvendi i Shqipërisë, me propozim të Qeverisë, u krijohet mundësia talenteve të sportit që kanë lindur e jetojnë jashtë Shqipërisë, që të pajisen me pasaportën shqiptare edhe kur nuk kanë mbushur moshën 18 vjeç
#VetëmPërpara”-shkruan Rama.
