Ditën e sotme kryeministri Edi Rama do të nis një vizitë zyrtare në Turqi, me ftesë të presidentit Recep Tayyip Erdogan.
Vizita e kryeministrit në Turqi do të zgjasë dy ditë, 6 dhe 7 janar. Në këtë takim në fokus do të jenë marrëdhëniet bilaterale midis Turqisë dhe Shqipërisë si dhe do të trajtohen hapat që mund të forcojnë bashkëpunimin.
Po ashtu, mësohet se gjatë takimit do të nënshkruhen disa marrëveshje mes dy vendeve, teksa Rama do të pritet nga Erdogan me një ceremoni shtetërore.
Kujtojmë se takimi i Ramës me Erdogan vjen në një kohë kur Shqipëria dhe Greqia vendosën ta çojnë çështjen e detit në Hagë./ Opinion.al
