Kryeministri Edi Rama ka pritur në një takim Presidentin e Azerbaixhanit Ilham Aliev. Kreu i qeverisë shkruan se në takim është diskutuar lidhur me investimet në Shqipëri, kryesisht në fushën e energjisë.
Në postimin e tij në “Facebook”, Rama shkruan se diskutimet për investime u fokusuan nga nisja e programit të gazifikimit me investim të Azerbaixhanit, i cili do të nisë me një bashki që do të përcaktohet në një nga pikëkontaktet me TAP-in, deri tek vendosja e piketave konkrete, për ndërtimin e një rafinerie e cila do t’i japë fund edhe varësisë së veodit tonë nga nafta e importit.
“Me Presidentin e Azerbaixhanit, mikun e dashur Ilham Aliev, patëm sot një bashkëbisedim si gjithmonë shumë miqësor, por edhe vërtetë të dobishëm për projekte të përbashkëta në fushën e energjisë, që nga nisja e programit të gazifikimit me investim të Azerbaixhanit, i cili do të nisë me një bashki që do të përcaktohet në një nga pikëkontaktet me TAP-in deri tek vendosja e piketave konkrete, për ndërtimin e një rafinerie ultramoderne, e cila do t’i japë fund edhe varësisë së vendit tonë nga nafta e importit”,-shkruan Rama./Opinion.al
