Ditën e sotme kryeministri Edi Rama është takuar me ministrin e Jashtëm të Emirateve të Bashkuara Arabe, Sheik Abdullah Bin Zayed Al Nahyan.
Lajmi është konfirmuar nga kryeministri përmes një postimi në “Facebook”, ku ka publikuar dhe video nga takimi.
Krahas videos, Rama shkruan se në këtë takim u firmosën dy marrëveshje njëra për fillimin e Rindërtimit të 2000 apartamenteve në Durrës dhe tjetra për bashkëpunim me fokus investimet direkte.
“Me ministrin e jashtëm të Emirateve të Bashkuara Arabe, Sheik Abdullah Bin Zayed Al Nahyan, pas firmosjes së dy marrëveshjeve, njëra për fillimin e Rindërtimit të 2000 apartamenteve në Durrës dhe tjetra, për bashkëpunimin ekonomik ndërqeveritar me fokus investimet direkte”, shkruan Rama.
Bëhet me dije se 2000 apartamentet do të ndërtohen nga qeveria e Emirateve të Bashkuara Arabe duke nisur nga Spitalla. Ndërsa projekti i investimit do të prekë Portin e Durrësit i cili sipas tij do të kthehet në atraksion turistik./ Opinion.al
