Kryeministri Edi Rama ditën e sotme ka zhvilluar në SHBA një takim me homologun e tij grek Kiriakos Mitzotaqis.
Deri më tani ende nuk dihen detaj në lidhje se çfarë kanë diskutuar dy kryeministrat, por Rama ka postuar në “Facebbok” foto me Mitzotaqis, ku shkruan; “OKB, Nju Jork – Me kryeministrin e Greqisë, Kiriakos Mitzotaqi. Prezantim miqësor dhe bashkëbisedim i hapur.”
Sipas televizionit shtetëror ERT, Mitsotaqis ka shkuar në këtë takim për të shprehur pozicionin e Athinës zyrtare e cila mbështet rrugën europiane të Tiranës, me kusht respektimin e të drejtave të minoritetit kombëtar grek.
Po ashtu, takimi me kryeministrin shqiptar pritej me interes për mediat greke dhe opinionin publik pas ndërprerjes së bisedimeve dypalëshe në çështjet që kanë mbetur pezull midis Shqipërisë dhe Greqisë.
Kreu i qeverisë, ndodhet në Nju Jork për të marrë pjesë në punimet e sesionit të 74 të Asamblesë së Përgjithshme të Kombeve të Bashkuara./ Opinion.al E.Xh.
