Kryeministri Rama ka takuar sot ministrin e Jashtëm italian, Luigi Di Maio dhe homologun e tij Giusepe Conte në Itali. Në fokus të takimeve ka qenë situata pas tërmetit në Shqipëri dhe organizimi i konferencës së donatorëve në Bruksel më 17 shkurt.
Në videon e publikuar nga kryeministri Rama gjatë takimin me Di Maion ai deklaron se fatura e plotë e dëmeve të tërmetit pritet të dalë pas disa ditësh por jep gjithashtu edhe një shifër të përafërt të kostos së dëmeve.
Sipas kryeministrit Rama dëmet përllogariten në vlerën 1 miliard euro.
“Deri tani shkon rreth 1 miliard” dëgjohet ti thotë Rama ministrit të Jashtëm italian i cili nuk e fsheh habinë kur dëgjon këtë shifër.
Megjithatë Di Maio në vazhdim të bisedës thotë se beson tek konferenca e donatorëve për mbledhjen e fondeve të mjaftueshme për të shlyer një pjesë të madhe të kësaj fature e cila ende nuk është bërë zyrtarisht publike edhe pse kanë kaluar pothuajse 2 muaj nga tërmeti i 26 nëntorit. /Opinion.al
