Kryeministri Edi Rama në një konferencë të mbajtur ditën e sotme pas dorëzimit të listave nga partitë për zgjedhjet e 25 prillit ka ironizuar kandidatët e opozitës.
Rama ka thënë se listat nuk janë stenda për të vendosur vazot e antikitetit duke nënkuptuar se Partia Demokratike nuk ofron alternativa të reja në këto zgjedhje.
“Listat nuk janë stenda për të vendosur vazot e antikitetit, vazot e antikitetit kanë shumë vlerë. Berisha ka shumë vlerë, por për çfarë duhet të jetë këtu, për të ndaluar emigracionin?
PD ka ndërtuar një stendë me vazo antike, por kuptohet me fosile. Fosile komplet, s’kanë ça të japin më. E vetmja gjë që kanë bërë është që kanë dalë në televizor. Ka mundësi që oferta e Vlorës të jetë Leskua i KLSH? Përpara Leskos, Dash Shehi është njeriu më esëll që ka Shqipëria. Kur sheh gota e rakisë Leskon, dehet gota duke e parë. Kjo është Shqipëria fiton? Çfarë fiton Shqipëria me këta? Ju e dini sa e dua Flamur Nokën, por tashi…”, tha Rama./Opinion.al
