Është prezantuar sot në repartin RENEA, ligji i ri ‘anti-KÇK’ dhe njësia e re që ai krijon OFL-ja.
I pranishëm në ceremoninë e prezantimi ishte drejtori i përgjithshëm i Policisë së Shtetit, ministri i Brendshëm Sandër Lleshaj dhe kryeministri Edi Rama.
“Një kohë ekstreme kërkon masa ekstreme” tha kryeministri Rama në hapjen e fjalës së tij duke paralajmëruar përballje ekstreme me krimin e organizuar.
“Ekstreme koha që ti japim një goditje krimit të organizuar dhe atyre që dyshojnë tek vullneti ynë. Mund të thuhen shumë gjerë në një analizë për policinë e shtetit dhe për përpjekjet tona për ta ngritur shtetin në një nivel tjetër por ajo që nuk mund të mohohet është se sot policia është si asnjëherë më parë e angazhuar dhe e gatshme të flasë me gjuhën e rezultateve. Nuk mund të kritikohemi për mungesën e kurajës për të ndërmarrë reforma që nuk u çuan nëpër mend më parë” tha Rama.
Ai paralajmëroi se duke filluar nga dita e nesërme do të fillojë do të nisë aksioni i njësisë së re dhe se të gjithë subjekteve të ligjit ri nesër do tu dërgohet një letër sipas së cilës brenda 48 orëve ata kanë për detyrim të plotësojnë formularin e deklarimit të pasurisë i cili më pas do të dorëzohet në SPAK.
“Nga nesër letër që për 48 orë të plotësojnë letrat për burimin e pasurisë, formulari do të shkojë në spak dhe nga spaku në gjykatë. Duhet t’ja u bëjmë të parehatshëm atdheun atyre që janë subjekte të këtij ligji. Atdheu për ta nuk mund të jetë sheshi për të bërë përshesh për të ekspozuar mjetet e tyre luksoze motorike, nuk mund të jetë trualli i ndërtimeve luksoze. Nuk mund të jetë platforma e ekspozimit të muskujve në ambientet ku të rinjtë kalojnë kohën e lirë por duhet të jetë ferri i tyre.”. tha Rama. /Opinion.al
