Gjatë bashkëbisedimet që Kryeministri Edi Rama po zhvillon me studentë të Universitetit Bujqësor u ballafaqua dhe me sheqetësimin e tyre për gjendjen skandaloze të konvikteve. “Konviktet tona janë si burgje”, i tha një student.
Rama bëri një sqarim të gjatë duke e lidhur edhe me investimet në infrastrukturë. “Dëgjoj edhe ata që më thonë lëri rrugët dhe rrit pensionet dhe shpenzimet. Kjo është një teori shkatërrimi. Rruga sjell ekonomi. Vijmë tek konviktet. Në takim me kancelaren gjermane i kam kërkuar të na ndihmojnë për konviktet. Janë projekte të shtrenjta. Kemi rënë dakord me KPË për ti bërë konviktet me standarde bashkëkohore. Por edhe tani që flasim po bëhen riparime emergjente. Por nuk rrihet tek sheshi derisa të mbarojnë konviktet. Shikoni prindërit tuaj, shtëpitë tuaj ccfarë kanë ndryshuar? Pse prindërit nuk ua plotësojnë të gjitha dëshirat. Ato mundësi kanë krijuar deri më sot”, u shpreh kryeministri.
/Opinion.al
