Kryeministri Edi Rama duke folur me banorë të Kasharit në periferi të Tiranës gjatë një takimi elektoral iu rikthye çështjes së gjykatave. Duke iu referuar shifrave, tha Kryeministri, në shumicën e rasteve gjykatat ua kanë lënë fëmijët baballarëve gjatë proceseve të divorceve.
Rama e quajti skandal! Sipas tij gjyqtarët e korruptuar, kundrejt parave që paguajnë burrat ua heqin fëmijët nënave. “E merr fëmijën ai dhe e çon tek gjyshja…duke e heq fëmijën nga nëna e vet. Këto janë gjykatat. Janë bë diktaturë. Janë diktatura më e egër në vend. Më 25 qershor votoni PS për të larguar gjyqtarët e korruptuar”, tha Rama.
/Opinion.al
