Deputetja e Partisë Demokratike, Rudina Hajdari, ka publikuar një foto të kryeministrit Edi Rama, ndërsa fliste me gazetarët jashtë ambienteve të Kuvendit, duke kapur një detaj në veshjen e tij.
Në xhaketën e kryeministrit Rama vërehet një yll të cilin deputetja e krahason me yllin komunist.
“Tension i lartë në Shqipëri pas votimit të Tahirit, kujton sistemin e shtypjes komuniste të Enver Hoxhës, dhe jo vlerat e BE-së që ne aspirojmë”,- shkruan Hajdari.
Ajo reagoi në Twitter, menjëherë pas votimit në Kuvend, ku u rrëzua kërkesa e Prokurorisë së Krimeve të Rënda, e cila kërkonte arrestimin e ish-ministrit Saimir Tahiri.
