Kryeministri Edi Rama ka shtruar iftar në xhaminë e Ballies në Elbasan, për të gjithë besimtarët mysliman të cilët kanë agjëruar.
Rama i ka uruar besimtarëve agjërim dhe lutje të pranuara në këtë muaj të shenjtë të Ramazanit.
Më tej ai thotë se myslimanët e Shqipërisë jo vetëm që nuk janë problem, por janë vlerë e shtuar.
“Të gjithë u së bashku që dashamirësisht pranuat ftesën time për të qenë dëshmitare të frymë së vëllazërimit që i prin iftarit, mirë se keni ardhur!
Ky është iftar i posaçëm pasi imazhi i këtij iftari është imazhi i xhamisë së bukur të Ballies në Elbasan që u vlerësua me një çmim ndërkombëtar me arkitekturën, sot në Tiranë ka hapur dyert më në fund edhe Xhamia e madhe e Namazgjasë.
Kjo sofër tradicionale më jep një ndjesi gëzimi dhe mund të them se më njëherë naiviteti e shijoj këtë moment të muajit të madhërishëm të Ramazanit kur na jepet mundësi të ndihemi mirë në besimin te mirësia e besimit, triumfi i dashamirësisë. Jeta duket më e bukur dhe më e lehtë, ndërsa shëmtitë e kohës duken më të papërfillshme. Kam sjellë sonte vargjet që i pati shkruat një poeteshë e re shqiptare, Jolanda Kodra e diplomuara në Itali.
Unë dua ta ndaj këtu me ju sonte bindjen time se myslimanët e Shqipërisë jo që nuk janë problem, por janë vlerë e shtuar”, tha Rama.
