Kryeministri Edi Rama është ndalur sot në qytetin e Beratit nga ku ka vijuar sulmet në distancë ndaj LSI-së. Rama tha para grave në Berat se ka kyçur gojën kur gra socialiste hiqeshin nga puna nga aleatët e tij në qeveri dhe që u bëheshin presion që të ndërronin partinë.
“Unë jam dëshmitar dhe kam kyçur gojën kur gratë socialiste hiqeshin nga puna nga partnerët tanë në koalicion, që i shantazhonin për të ndërruar parti. Kam kyçur gojën për hir të reformave të mëdha. Mirëpo kjo histori duhet të marrë fund më 25 qershor”, tha Rama.
