Kryeministri, Edi Rama, në një status në rrjetin social “Facebook”. ka ndarë të dhënat e Organizatës Botërore të Turizmit në lidhje me shtetet dhe numrin e vizitorëve që ato kanë pasur gjatë 3 mujorit të fundit.
Teksa kjo organizatë e rendit Shqipërinë të parën në Europë për rritjen e numrit të turistëve, Rama thotë se po paralajmërohet kështu një sezon fantastik veror.
“Rritja e pandalshme e turistëve që po e zgjedhin Shqipërinë jo veç për sezonin veror buzë detit, por tanimë përgjatë gjithë vitit, nga Tirana e gjithandej prej veriut në jug, konfirmohet me një të dhënë spektakore të Organizatës Botërore të Turizmit, e cila për tre muajt e parë të këtij viti e rendit Shqipërinë të tretën në botë dhe në VEND TË PARË në Europë sa i takon rritjes turistike krahasuar me periudhën përpara pandemisë, duke paralajmëruar kështu edhe një sezon fantastik veror”-shkruan Rama.
