TIRANË- Kryeministri Edi Rama ka marrë fjalën në foltoren e Parlamentit dhe po u kthen përgjigje akuzave të opozitës për abuzimet me tenderat. Lidhur me tenderin e hemodializës, Rama tha se “shuma që jep shteti për një person të sëmurë është e njëjtë siç e ka lënë Berisha 80 euro për një seancë. Ajo që ndryshon është mënyra e menaxhimit”. Nëse më parë çdo i sëmurë bënte dializën në spitalet private, sot do t’a bëjë në spitale publike. Aparaturat do t’i blejë Evita (Spitali Amerikan) që ka marrë tenderin per këtë shërbim mjekësor.
Më poshtë një pjesë nga fjala e Ramës në Parlament
Hemodializa që ju bën përshtypje po ua shpjegoj. Marrim anën fincanaire dhe anën menaxheriale. Deri tani Ministria e Shëndetësisë i ka dërguar të sëmurët jo publike tek privati për ta kryer shërbimin dhe në këtë aspekt ka vështirësuar madje u ka nxirë jetën shumë pacientëve pasi spitalet private nuk janë në gjithë territorin. Ne kemi ndryshuar sistemin menaxherial, me të njëjtin çmim 80 euro/seance ishte dje është edhe sot, por tani do të jenë spitalet publike që do ta bëjnë hemodializën. Ndërsa investimin do ta bëjë privati që ka fituar këtë tender. Ai do të bëjë investim edhe në Korçë e Sarandë edhe në Kukës dhe kjo pasi shteti nuk ka mundësi për investime. Pra fatura eshte e pandryshuar dhe pas 10 vitesh kemi perfituar edhe aparaturat, sepse infrastuktura i mbetet shtetit.
