Aktualitet

Rama: Shpallja “non grata” e Sali Berishës është 100% meritë e tij



Bëhu pjesë e Grupit Zyrtar të Opinion.al
>> KËTU <<
               Publikuar në : 11:15 - 16/02/22 |
Opi Nion

Kryeministri, Edi Rama po zhvillon një bashkëbisedim me gazetarët në Washington. Kreu i qeverisë ka folur për marrdhëniet e Shqipërisë me SHBA, për të cilat tha se në takimin me Blinken ka folur për të gjitha temat e bashkëpinimit të Shqipërisë me Shtetet e Bashkuara, duke theksuar se Shqipëria po çon në një nivel tjetër politikën e jashtme.

Sakaq, për shpallen non grata të ish-kryeministrit, Sali Berisha, Rama ka thënë se është 100% meritë e tij.

Shpallja non grata e Sali Berishës është meritë 100% e tij. SHBA thjesht e kanë konfirmuar me vendimin e tyre meritën e tij për të gjitha ato që e kane shpallur non grata. Të thuash që qeveria SHBA mund të influencohet nga faktorë të jashtëm për vendimet e kësaj natyre do të thotë që të akuzosh Shtetet e Bashkuara se janë shtet pa dinjitet pas seriozitet, pa integritet, dhe se kanë një qeveri që korruptohet për qëllime të të tretëve. Kjo është absolutisht diçka jashtë realitetit.

Këto janë vendime që merren me procese të mirëpërcaktuara dhe nuk kanë asnjë lidhje me faktorë të jashtëm. Nëse SHBA do të loboheshin e influencoheshin kaq kollaj, do të ishin prej vitesh peng i diktaturave dhe regjimeve që kanë pasurira marramendëse. Por, kjo nuk ka ndodhur dhe nuk ka si të ndodhë. Është e gjitha një farsë për të ardhur keq dhe akoma më keq është për ata që besojnë marrëzi të tilla”, tha kryeministri Rama./Opinion.al

 

Pas