10 vite pas vrasjes, katër protestuesit e 21 janarit të 2011 janë shpallur ditën e sotme “Dëshmorit të Atdheut”
Lajmi është dhënë nga kryeministri Edi Rama gjatë një konference për mediat, ku ka folur për ngjarjen e rëndë që përjetojë vendi një dekadë më parë.
Më 21 janar të viti 2011 u vra Aleks Nika, Ziver Veizi, Hekuran Deda dhe Faik Myrtajn. Në momentin që u qëlluan me armë, qytetarët ndodheshin në protestën e organizuar nga Partia Socialiste kundër qeverisë “Berisha”.
“Sot bëhen 10 vjet nga tragjedia e 21 janarit, dhe në këtë 10 vjetor qeveria ka vendosur që të japë titullin e lartë të “Dëshmorit të Atdheut” për të katërt për dëshmorët e protestës paqësore të 21 janarit. Njëkohësisht sot është edhe dita për të bërë një reflektim pas këtij rrugëtimi 10 vjeçar në përpjekje për të kuptuar bashkërisht se si ajo ngjarje tragjike dhe 4 jetë të pafajshme të humbura kanë ndikuar historinë tonë të re në dy drejtime themelore, nga një2ra anë në drejtim të marrëdhënies së qeverisë me protestën dhe nga ana tjetër në drejtim të transformimit të sistemit të drejtësisë. 21 janari përtej plagëve të pangushëllueshme që hapin shpirtin e familjeve të katër dëshmorëve dhe përtej plagës së madhe që hapin shoqërinë tonë, shërbeu për të nxjerrë në pah në sytë e të gjithëve llumin e politikës dhe të drejtësisë. Të politikës si mjet në funksion të pushtetit të kthyer në qëllim në vetvete dhe drejtësisë si muri i madh i pa kapërcyeshëm për njerëzit e këtij vendi dhe për shoqërinë tonë në përpjekjen e transformimeve demokratike”,- tha Rama./ Opinion.al
