Sot kryeministri Edi Rama ka ndarë pamje nga shkolla 9-vjeçare “Kajo Karafili” në Gështenjas të Pogradecit, cila do të hapë dyert në shtator për nxënësit.
Përpos fotove të ndarë në një postim në Facebook, kreu i qeverisë thekson se shkolla është me kushte bashkëkohore për 200 nxënës dhe mësues, falë investimit të Ministrisë së Arsimit dhe bashkisë Pogradec.
Sakaq bën me dije se po investohet për transformimin e shkollave në të gjithë vendin me të njëjtin standard.
“Shkolla 9-vjeçare “Kajo Karafili” në Gështenjas të Pogradecit do të hapë dyert në shtator me kushte bashkëkohore për 200 nxënës dhe mësues falë investimit të Ministrisë së Arsimit dhe Bashkisë së Pogradecit.
Po investojmë për transformimin e shkollave nga veriu në jug, me të njëjtin standard, për të garantuar kushte dinjitoze për mësim dhe zhvillim për nxënësit dhe stafet mësimore”, shkruan kryeministri.
