Kryeministri Edi Rama bashkë me Ministren e re të Infrastrukturës inpektuan sot punimet për ndërtimin e rrugës Tiranë-Elbasan, një projekt i nisur 6 vite më parë.
Drejtuesi i punimeve tha se rruga do përfundojë në Maj 2019, por për këtë duhen para të tjera. “Kjo ka qenë një nga zonat më problematike të projektit. Kjo ka patur një kosto 9.6 milionë dollarë. Realizmi i saj është 93%. Duhen edhe 800 mijë dollarë dhe kjo të kompletohet”, u shpreh ai.
Ndërsa Rama tha se kostoja ka shkuar dyfish për rindërtimin e rrugës Tiranë-Elbasan. “Kjo rrugë u bë realisht gangrenë. U nis pa projekt, pa studim gjeologjik, pa asnjë lloj sigurie, vetëm hajde të hapim tunelin për fushatë elektorale e punë e madhe se çfarë ndodh mbrapa dhe e paguan shumë shtrenjtë. Praktikisht ka shkuar dyfish nga vetëm marrëzia dhe babëzia e paimagjinueshme”, u shpreh Rama.
Kjo rrugë në total ka shkuar 152 mlionë USD, tha drejtuesi i punimeve.
/Ri-De
