Kryeministri Rama ka dhënë lajmin se rruga e “Arbrit” do të hapet më 29 Nëntor. Ai e bëri të ditur këtë lajm gjatë replikave me kryetarin e Partisë Demokratike, Lulzim Basha, në Kuvend.
Gjatë fjalës së tij Rama tha se e gjithë rruga është gati përveç një problemi gjeologjik në Qafën e Murrizit. Por kreu i qeverisë tha se ky problem është i mirëdokumentuar dhe se paratë për vonesat nga ky projekt dalin nga privati dhe jo nga buxheti i shtetit.
“Me mendjen tuaj Shqipëria mbeti aty ku ishte, por faktet flasin dhe në 29 Nëntor do të hapet rruga e Arbrit që të kalojnë njerëzit me të vetmin problem që në qafën e Murrizit për shkak të problemit gjeologjik të tunelit që ka krijuar vonesa të mirëdokumentuara, gjithë pjesa tjetër është gati. Ja çfarë bën këtu Lulzim, PPP-ja”-tha Rama.
