Duke folur në sallën e Parlamentit, kryeministri Edi Rama tha se reformën zgjedhore, e cila kërkohet nga Bashkimi Europian, mazhoranca do ta dialogojë dhe do ta miratojë me opozitën e re.
“Nuk mund të shkojmë në qershor në Bruksel dhe të themi nuk e bëmë se nuk erdhi opozita. Ku ishte? Nuke dimë. Kur do vijë? Nuk e dimë. Ku ishe, hiçgjëkundi, çfarë bëre hiçasgjë, ne nuk e themi dot. Ne do të dialogojmë me opozitën që do të zërë vendet këtu në sallë, bazuar në rekomandimet e OSBE/ODIHR, bazuar tek ekspertët, do të shkojmë përpara sikundër do të shkojmë përpara edhe me votën e emigrantëve. Pastaj të shohim se kush është shumicë në popullin shqiptar”, deklaroi Rama ndërsa në sallë përveç deputetëve të mazhorancës ishin edhe katër deputetët e rinj të Lëvizjes Socialiste për Integrim të cilët sot do të betohen për të marrë zyrtarisht mandatin./Opinion.al
