Kryeministri, Edi Rama, ka reaguar për herë të parë pasi iu nënshtrua një ndërhyrjeje kirurgjikale për heqjen e appendisit.
Në një status në rrjetet sociale, teksa falenderon ekipin mjekësor që u kujdes për të , kreu i qeverisë bën te ditur se po vazhdon protokollin e rikuperimit në shtëpi.
Më tej Kryeministri thotë së do t’i rikthehet shumë shpejt punës.
“Një falenderim nga zemra kujtdo prej jush që këto ditë është interesuar për shëndetin tim.
Falë ekipit të përkushtuar mjekësor dhe pas ndërhyrjes së suksesshme, sot e lashë spitalin për të vazhduar protokollin e rikuperimit në shtëpi dhe pa mundur të gjej dot fjalët e mjaftueshme për t’i falenderuar mjekët e infermierët për përkujdesjen e tyre.
Besoj se do të kthehem shpejt mes jush dhe edhe njëherë shumë faleminderit për mbështetjen tuaj.Ju dua shumë, Edi”-shkruan Rama.
